Fituesi i Topit të Artë 2024, Rodri dha mendimin e tij për debatin se kush është më i madhi – Lionel Messi apo Cristiano Ronaldo.

Mesfushori i Manchester Cityt ka deklaruar prerazi se argjentinasi është më i madhi i të gjitha kohërave dhe ka shpjeguar pse beson se është kështu, transmeton GazetaBlic Sport.

“Lionel Messi është lojtari më i madh i të gjitha kohërave pa asnjë dyshim. Cristiano Ronaldo ka qenë në gjendje të përballet me Messin pa talentin natyral që ka Leo, por ne që kemi luajtur kundër tyre mund ta shohim ndryshimin”, tha Rodri duke folur në emisionin El Hormiguero.

“Ne nuk donim që Cristiano të futej në fushë sepse ai ishte vdekjeprurës në zonën e 16 metërshit. Por me Messin, rreziku ishte kudo në fushë”, shpjegoi spanjolli.

/GazetaBlic Sport/