Ylli i Barcelonës, Robert Lewandowski, ka pranuar se të shoh Lamine Yamal të luajë për herë të parë ishte një përvojë ndryshe nga të tjerat gjatë karrierës së tij.

Lewandowski, i cili në moshën 36-vjeçare është lideri i katalanasve, vuri në dukje se vazhdimësia do të jetë sfida më e vështirë për yllin spanjoll.

“Lamine Yamal, për herë të parë në karrierën time shikova dikë dhe thashë wow, ai ka diçka të veçantë”, tha ai për Rio Ferdinand Presents.

“Me Musiala ishte ndryshe, mund të shihje se kishte diçka tek ai. Mendoj se është ndryshe edhe për lojtarët e rinj tani, gjëja më e vështirë për Lamine Yamal do të jetë të ruajë nivelin e tij për 10-15 vjet”, përfundoi ai.

/GazetaBlic Sport