Edhe seanca e së martës në Gjykatën Themelore në Prishtinë, ndaj të akuzuarit Zoran Vukotiq për katër aktakuzat për krime lufte, është mbyllur për publikun.

Kështu bëri të ditur kryetari i trupit gjykues, gjyqtari Rrahman Beqiri, raporton “Betimi për Drejtësi”.

Ai tha se seanca po vazhdon me dëgjimin e e dy mjekeve në cilësinë e dëshmitarëve në këtë rast.

Prokuroria Speciale, kishte ngritur katër aktakuza për krime lufte ndaj popullatës civile gjatë viteve 1998-1999, ndaj të akuzuarit Vukotiq, por me propozim të mbrojtësit të të akuzuarit Vukotiq, avokatit Nebojsha Vllajiq, u bë bashkimi i çështjes, më 22 gusht 2024.

Po ashtu, edhe seanca e 14 tetorit 2024 ishte mbyllur për publikun, teksa gjykatësi kishte bërë të ditur se edhe seancat e planifikuara që të mbahen më 14, 15, 16, 21 tetor 2024, do të jenë të mbyllura.