Ish-lojtari i Barcelonës dhe Manchester United, Gerard Pique, ka bërë edhe një herë krahasimin mes Lionel Messit dhe Cristiano Ronaldos.

Ata tani janë në fund të karrierës së tyre dhe qendërmbrojtësi pati fatin të luajë me të dy.

“Ronaldo është më i miri mes njerëzve, por Messi është një alien, ai nuk i përket këtij planeti. E pashë atë duke u stërvitur çdo ditë, nuk do të ketë kurrë një tjetër me shpejtësinë e tij të mendimit dhe të njëjtën vendosmëri,” tha Pique për Corriere dello Sport. .

Ish-reprezentuesi spanjoll foli edhe për Pep Guardiolën, i cili ishte në qendër të sukseseve më të mëdha të Barcelonës: “Në nivel taktik dhe strategjik, ai është një gjeni. Ai di të lexojë lojën dhe mënyra se si i motivon lojtarët është fantastike”, përfundoi ai.

/GazetaBlic Sport