Anëtari i kryesisë së LDK-së, Visar Azemi, bashkë me kryetarin e partisë, Lumir Abdixhikun, të enjten “Turneun e Ndryshimit” e kanë vazhduar në Shtime.

Azemi ka thënë se tubimi i madh rikonfirmoi rrugëtimin drejt një të ardhmeje që të gjithë e duan për Kosovën.

“Bashkë me kryetarin e LDK-së, Lumir Abdixhikun dhe shumë qytetarë të Shtimes, ndamë një moment të paharrueshëm që ri-konfirmoi rrugëtimin tonë drejt një të ardhmeje që duam për Kosovën. Falënderojmë çdo pjesëmarrës që na u bashkua në këtë udhëtim të rëndësishëm për ndryshimin”, ka shkruar Azemi.

“Turneu i Ndryshimit vazhdon edhe në qytete tjera sepse kemi një rrugë përpara plot sfida, por edhe plot mundësi. Me LDK-në dhe mbështetjen tuaj, do të ndërtojmë një Kosovë më të zhvilluar dhe më të drejtë për të gjithë”, ka shkruar ai.