Mike Johnson është nominuar prej anëtarëve të partisë republikane të Dhomës së Përfaqësuesve për të vazhduar si kryetar i tyre.

Johnsonit do t’i duhen 218 vota në Dhomën e Përfaqësuesve në muajin janar për të siguruar të mbetet kryesues i Kongresit amerikan.

Deri më tani, ai është vetëm kandidati republikan gjersa kandidat do të prezantojë edhe partia demokrate, shkruan skynews.

Ai ka shërbyer si kryetari i 56-të i Dhomës së Përfaqësuesve që nga tetori i vitit të kaluar dhe është një mbështetës i fortë i presidentit të zgjedhur, Donald Trump.

Të dy dhomat e Kongresit – Dhoma dhe Senati – janë nën kontrollin e republikanëve pas një fitoreje të rehatshme zgjedhore të republikanëve.

Ndryshe, Trump ka fituar zgjedhjet presidenciale amerikane kundër kandidates demokrate, Kamala Harris.