Mesfushori Paul Pogba po përgatitet të rikthehet pas vuajtjes së dënimit për doping prej 18 muajsh.

Francezi është në kontratë me Juventusin, por klubi e ka bërë të qartë se skuadra është e mbushur dhe nuk ka mundësi të marrë atë sërish.

Prandaj, Pogba është në kërkim të një destinacioni tjetër për të vazhduar karrierën e tij, pasi sipas Sky Sports, ai kërkohet nga disa skuadra në Premier League, ku Pogba luajti për Manchester United për dy periudha.

Për futbollistin ka interes edhe nga Arabia Saudite dhe MLS.

/GazetaBlic Sport