Te Real Madridi kanë filluar të bien kambanat e krizës.

Rezultatet e fundit janë mëse zhgënjyese, veçanërisht dy humbjet e rënda në shtëpi kundër Barcelonës (0-4) dhe Milanit në Champions (1-3).

Në Madrid kanë nisur të flasin për një krisje të thellë, duke nënvizuar se Carlo Ancelotti ka humbur dhomat e zhveshjes.

Nëse diçka e tillë do të thuhej në gusht apo në shtator askush nuk do ta besonte, por faktet janë kokëforta dhe Reali është zhytur në krizë loje e identiteti.

Aq sa dhe figura e Carlo Ancelottit është vënë në dhe rrezikon që të mos ta mbyllë sezonin. Në Madrid ka nisur të flitet për Xabi Alonson, strategun që po shkëlqen te Bayer Leverkusen. Gjithsesi mund të ketë edhe zgjidhje të tjera.

Në strukturën aktuale sportive të Madridit, Raul Gonzalez dhe Santiago Solari janë alternativat që mund të ekzistojnë përballë një zgjidhjeje më delikate si Alonso, i cili është nën kontratë me “aspirinat”.