Rajoni i Al-Jawf në Arabinë Saudite është shndërruar në një mrekulli dimërore pas një stuhie të çuditshme breshëri që mbuloi shkretëtirën me një shtresë të bardhë.

Sipas një njoftimi të agjencisë shtetërore të lajmeve, stuhitë e shiut dhe breshëri të mëdha kanë vazhduar të bien në disa zona të rajonit që prej së mërkurës së kaluar, duke u dhënë jetën tokës dhe duke ushqyer lumenjtë, çka paralajmëron për një sezon pranveror të pasur.

Pamjet dhe videot që janë shpërndarë në mediat sociale tregojnë peizazhe magjike, ku kristale akulli kanë mbuluar një sipërfaqe të madhe të shkretëtirës, duke krijuar një pamje pothuajse si një peizazh të mbuluar nga dëbora.

Një video e filmuar nga një automjet që kalon një rrugë tregon se terreni duket i panjohur, i mbuluar me një shtresë të madhe breshëri sa një top golfi.

Qendra Meteorologjike e Arabisë Saudite ka lëshuar paralajmërime për mot të keq në ditët në vazhdim, duke parashikuar shira të dendur, breshër dhe erëra të forta, si dhe mjegull.

/Ora News/