Real Madrid është mposhtur 1:3 nga Milani në Santiago Bernabeu në kuadër të xhiros së katërt të Ligës së Kampionëve. 

Mesfushori uruguaian Federico Valverde doli nga loja pas pjesës së parë. Ai u zëvendësua nga Eduardo Camavinga dhe Mina Bonino, bashkëshortja e Valverdes shprehu pakënaqësinë e saj në rrjetet sociale dhe kritikoi vendimin e trajnerit Carlo Ancelotti.

“Më mirë ta fik këtë” shkroi ajo në X, dhe ndjekësit hynë në një debat me të:

“Është një ndryshim taktik Mina, mos u bëj shumë filozofe. Duke pasur parasysh pozicionin e tij dhe mënyrën se si është loja, ai nuk mund ta largojë Modricin”.

Ajo i është përgjigjur atij ndjekësi: “Vëlla, Fede luan më së miri si mesfushor qendror, për çfarë po flet? Hahaha, kur do ta kuptosh më në fund që Fede nuk është anësor?” Pas disa kohësh ajo fshiu gjithçka, por AS regjistroi gjithçka dhe e publikoi sërish.

/GazetaBlic Sport