Deputeti i VV’së, Gramos Agusholli ka reaguar pasi Donald Trump “shpalli fitoren” në ShBA.
Agusholli në një deklaratë dhënë për GazetaBlic thekson se, marrëdhëniet me ShBA-të gjithmonë kanë qenë të forta, pavarësisht se kush ka qeverisur.
“Marrëdhëniet tona me SHBA-në kanë qenë gjithmonë të forta dhe të qëndrueshme, pavarësisht se kush ka qeverisur në Amerikë, qofshin republikanë apo demokratë”, tha ai.
Sipas tij, “fitorja e dytë e Trumpit brenda tetë viteve tregon një ndryshim të qartë në trendin botëror dhe një rënie të ndikimit të ultraliberalizmit”.
Agusholli uroi Trumpin duke thënë se, “shpresoj që SHBA të vazhdojë të jetë një zë i fuqishëm për paqen dhe stabilitetin në botë, duke nxitur zgjidhje të qëndrueshme për sfidat globale”
“Shpresoj që kjo administratë e re do të angazhohet për të përmbushur premtimet e saj, duke sjellë paqe në rajonet ku sot ka konflikt dhe duke ndaluar gjakderdhjen në Palestinë.Dua gjithashtu të uroj Donald Trump për fitoren e tij si President i Shteteve të Bashkuara të Amerikës dhe të shpresoj që SHBA të vazhdojë të jetë një zë i fuqishëm për paqen dhe stabilitetin në botë, duke nxitur zgjidhje të qëndrueshme për sfidat globale”, tha Agusholli për GazetaBlic.
