Gazetari dhe njëherësh analisti politik, Halil Matoshi ka komentuar zgjedhjet presidenciale në Shtetet e Bashkuara të Amerikës, të cilat po mbahen këtë të martë, më 5 nëntor.

Ai ka theksuar se Donald Trump është njeri i vendimeve të mëdha.

Megjithatë, Matoshi ka theksuar se shumë njerëz të pushtetit ndiejnë një lloj frike për ardhjen e Trump në pushtet.

“Unë e vërej te njerëzit që janë afër pushtetit dhe nëpër studio televizive një frikë, një mosbesim se çfarë do të ndodhë nëse fiton Donald Trump, por që s’ka ndonjë arsye sepse pushteti në SHBA sigurisht që nuk është pushtet i ndonjë individi”, ka thënë Matoshi.

Ndryshe, eventi special i Kanal 10 po mbahet për të shënuar zgjedhjet në SHBA. Të ftuar në këtë maratonë televizive janë personalitete të shumta nga politika, zyrtarë të Ambasadës Amerikane në Prishtinë dhe studentë nga e gjithë Kosova.