Trajneri i Juventusit, Thiago Motta, ka ndarë pritshmëritë e tij për vizitën e radhës ndaj Lille në fazën kryesore të Champions League.

“Të gjitha ndeshjet janë të rëndësishme. Ne, si Juventus, duam gjithmonë të fitojmë. Gjëja më e rëndësishme është të përpiqemi gjithmonë të përmirësohemi. Lille ka shumë besim dhe ne duam t’i përballojmë në kushte optimale. Synimi ynë është të japim më shumë se maksimumin”, tha Motta në konferencën për shtyp para ndeshjes në Francë, transmeton GazetaBlic Sport.

“Nuk ka favorit në një ndeshje. Është një lojë e bukur, në një stadium të bukur, dhe shpresojmë që fusha do të jetë në gjendje të mirë nesër. Ne mund të flasim vetëm nesër se kush luajti më mirë”, përfundoi Motta.

/GazetaBlic Sport.