Pas fitores në El Clasico, ndaj Real Madridit (0-4), Barcelona tani ka gjashtë pikë avantazh ndaj rivalëve të saj nga kryeqyteti spanjoll.

Megjithatë, trajneri i katalanasve, Hansi Flick, refuzoi të pranonte favorizimin për të fituar titullin:  Është një rrugë e gjatë. Shumë gjëra mund të ndodhin. Jemi në një moment të mirë, ky është plani ynë. Shpresojmë që tifozët të na mbështesin.”

Për tragjedinë që po rrënon rajonin e Valencias, trajneri gjerman vlerësoi se dita e ndeshjes duhet të pezullohet: “Nuk është e lehtë të marrësh një vendim se çfarë të bësh. Diçka e ngjashme ka ndodhur tre vjet më parë në Gjermani. Ne i mbështesim ata, por është një çështje që ka të bëjë me La Ligën .”

“Nëse do të mund të vendosja, ndoshta do ta pezulloja ndeshjen, sepse është një tragjedi për Valencian dhe për Spanjën”, tha ai.

/GazetaBlic Sport/