Forcat e Ushtrisë së Izraelit kanë delruar se kanë vrarë të të paktën 18 terroristë të Hamasit dhe Xhihadit Islamik, kur goditën një objekt që parë ishte përdorur si shkollë në Gaza javën e kaluar.

Shkolla fillore për djem Abu Hussein, e vendosur në kampin e refugjatëve Jabalia në veri të Gazës, u vu në shënjestër nga Forcat Mbrojtëse të Izraelit (IDF) të enjten.

Agjencia e Mbrojtjes Civile e drejtuar nga Hamasi tha në atë kohë se të paktën 22 persona ishin vrarë dhe dhjetëra të tjerë ishin plagosur.

Tani, në një postim në Telegram, IDF thotë se “terroristët po vepronin brenda një qendre komandimi dhe kontrolli brenda një kompleksi” brenda objektit që funksiononte si shkollë.

Ushtria izraelite thotë se vendi është përdorur për të ekzekutuar sulme kundër trupave të saj, duke përfshirë “sulmet e fundit me raketa”.

IDF më pas rendit emrat e disa prej “terroristëve” që pretendon se i ka eliminuar dhe thotë se përdorimi i supozuar i Hamasit të shkollës është një shembull i “abuzimit sistematik të infrastrukturës civile” nga grupi.

Pas sulmit në vend javën e kaluar, Hamasi hodhi poshtë pretendimin se shkolla po përdorej për qëllime ushtarake si “thjesht gënjeshtra”, shkruan BBC.