Ka përshkallëzuar në përplasje fizike protesta e opozitës para Kuvendit të Shqipërisë.

Fillimisht, protestuesit u mblodhën në Bashkinë e Tiranës dhe më pas marshuan drejt Kuvendit, ku edhe po tentojnë të mësyjnë në ambientet e brendshme.

Atje janë përplasur me punonjësit e policisë. Madje disa deputetë pretendojnë se janë kërcënuar me armë nga punonjës të gardës së republikës.

“I kanë drejtuar armë deputetëve të opozitës. Nuk ka ndodhur kurrë të hyjnë në Kuvend forca të policisë që të dhunojnë deputetët, Kjo është fytyra e vërtetë të një ushtari të bandave të Durrësit në krye të ministrisë së Brendshme. Nuk na trembin“, tha Gazment Bardhi.