Të katër lojtarët që kritikuan publikisht orarin e ngarkuar të ndeshjeve në 2024/25 tani janë të lënduar!

Dani Carvajal i është bashkuar listës në rritje të dëmtimeve të lojtarëve kryesorë në të gjithë Evropën.

Ai dëmtoi rëndë ACL-në e tij gjatë fitores 2-0 të Real Madrid ndaj Villarrealit, dëmtim i cili kërkon një operacion.

Manchester City humbi Kevin De Bruyne dhe Rodri për shkak të lëndimeve, me këtë të fundit që gjithashtu kishte nevojë për operacion pas një dëmtimi ACL. Ai është përjashtuar për pjesën tjetër të sezonit, gjë që mund të jetë edhe për Carvajal.

Javën e kaluar, kapiteni i Tottenham Hotspur, Heung-min Son, foli për dëmet e rënda fizike dhe mendore të luajtjes së kaq shumë ndeshjeve.

Ai u dëmtua gjatë ndeshjes së Spurs në Europa League me Qarabag.

/GazetaBlic Sport