Më 11 tetor komanda e forcave paqëruajtëse të NATO-s në Kosovë, do t’i kthehet italianëve.
Në pozitën e komandantit të KFOR-it, në vend të gjeneralmajorit Ozkan Ulutash do të vie gjeneralmajori Enrico Barduani.
Zyra për informime misionit të NATO-s, KFOR, në një njoftim për media, bënë të ditur se ceremonia e ndërrimit të komandës ndërmjet KFOR XXVIII dhe KFOR XXIX do të mbahet në Shtabin e këtij misioni në Prishtinë, më 11 tetor 2024, në ora 11:00.
“Admirali Stuart B. Munsch Komandanti i Komandës së Forcave të Përbashkëta Aleate në Napoli do të kryesojë ngjarjen. Gjeneralmajor i Ushtrisë Turke, Özkan Ulutaş, do t’ia dorëzojë komandën e KFOR-it gjeneralmajorit të ushtrisë italiane, Enrico Barduani”, njofton KFOR.