Trajneri i Arsenalit, Mikel Arteta, ka minimizuar tensionin mes tij dhe Pep Guardiolës që shpërtheu në media në ditët pas barazimit 2-2 të Topçinjve me Manchester Cityn.

Guardiola tha se “nëse Arsenali dëshiron një luftë, ata do ta marrin atë”, më pas iu drejtua Artetas dhe tha se donte të ishte “më i qartë”. Megjithatë, shefi i Arsenalit refuzoi të hynte në një polemikë të tillë me mentorin e tij, duke pranuar se e “do” dhe “e admiron”.

“Unë e dua Pepin, e admiroj. Në fakt, e kam admiruar që në moshën 10-vjeçare. Unë e respektoj sinqerisht dhe i jam mirënjohës për gjithçka që ka bërë dhe vazhdon të bëjë për mua. Unë e pranoj atë si mik timin”, tha Arteta, transmeton GazetaBlic Sport.

“Kur them se e njoh atë, dua të them se e di shumë mirë se sa shumë punon. Unë kurrë nuk kam parë një person tjetër që punon aq shumë sa Pep dhe sigurohet që të gjithë në një klub të fillojnë të fitojnë. Arsyeja pse Manchester City është në këtë nivel është uria e vazhdueshme për fitore të trajnerit. Kjo është ajo që kam mësuar për të. Nuk mund të jem më i qartë”, ka shkruar Mikel Arteta.

“Nëse doni, unë mund t’i përsëris fjalët e mia, por nëse dikush dëshiron të prishë marrëdhënien tonë, kjo është jashtë dorës sime. Ndjenjat e mia për të janë të vërteta, ai e di këtë dhe stafi i tij e di. Vullneti për të fituar është pjesë e sportit. Ata e kanë atë, por edhe ne. Ata janë kaq të suksesshëm për shkak të këtij mentaliteti. Shpresoj të jem mjaft i qartë”, tha Arteta.

/GazetaBlic Sport.