Ferizaj nuk e ka nisur mirë sezonin e ri në Superligën e Kosovës.

Skuadra e sapo promovuar në elitën e futbollit kosovar nuk ka arritur të arkëtoj më shumë se 4 pikë pas 6 ndeshjeve të para të zhvilluara, shkruan GazetaBlic Sport.

Një fitore një barazim dhe katër humbje është bilanci i skuadrës së Ferizajt që xhiron e radhës luajnë ndaj kampionit në fuqi, Ballkanit.

Lojtari i Ferizajt, Albion Kurtaj ka komentuar startin jo të mirë për GazetaBlic Sport duke shpresuar se gjërat do përmirësohen në vazhdim.

“Një start jo edhe shumë i mirë nga ajo që kemi pritur si skuadër. Duke marrë parasysh edhe lojën që po bëjmë, mendoj se kemi merituar shumë më shumë në këto 6 sfidat e para.Konkurenca është shumë e madhe dhe cilësia e Superligës është në nivel rritjeje, por synojmë të paraqitemi sa më mirë. Pritshmëritë natyrisht janë të mëdha. Si skuadër, synojmë të paraqitemi sa më mirë dhe të largohemi nga zonat që na rrezikojnë”, tha Kurtaj për GazetaBlic Sport.