Erling Haaland është një nga sulmuesit më të mirë në botë dhe sa efektiv është realisht, për të flasin shifrat dhe statistikat.

Në derbin kundër Arsenalit (2:2) në Etihad, Haaland shënoi golin e tij të 100-të për Manchester Cityn. Fakti që atij iu deshën më pak se tre sezone në të gjitha garat për të arritur shifrën e 100 golave ​​në 105 ndeshje, është i mahnitshëm.

Me këtë, Haaland u bë lojtari i 19-të në historinë e Manchester City që arrin gola treshifror.

Norvegjezi, në sezonin e tij të tretë me Qytetarët, arriti të shënojë kundër të gjitha klubeve të Premierligës dhe me këtë efikasitet është vetëm çështje kohe që të ngrejë Topin e Artë.

Shifrat e Haaland janë identike me ato të Cristiano Ronaldos, gjë që tregon qartë se çfarë lloj lojtari është ai. Norvegjezi barazoi rekordin e portugezit dhe për momentin dy lojtarët janë të vetmit që kanë arritur shifrën e 100 golave ​​në një kohë kaq të shpejtë – 105 ndeshje.

/GazetaBlic Sport