Nënkryetari i Lidhjes Demokratike të Kosovës, Lutfi Haziri, thotë se do ti fitojnë zgjedhjet e ardhshmë dhe se LDK hynë në garë vetëm për fitore.

Haziri në një intervistë për GazetaBlic, thotë se në këto zgjedhje hymë vetëm ti fitojmë më besim të madh të qytetarëve dhe nuk kemi opsion të dytë.

“Kemi me fitu, ne jemi në garë vetëm me fitu. LDK tash e 35 vite cdo situatë, cdo rrethanë, cdo ambient politik me cfardo kushti që ka ndodh, procesin zgjedhor e merr shumë seriozisht. E vlerëson shumë demokracinë e brendshme në Kosovë, demokracia për neve ka vlerë sa liria e Kosovës dhe sa partia e saj, dhe këto zgjedhje ne hymë me i fitu me besim të madh me i fitu nuk kemi opsion të dytë. Ne e kemi ofru rrugën e re jo për LDK por për popullin e Kosovës, si opsion të partive tjera”, tha ai.

Tutje, ai potencon se do ta bindin çdo qytetarë që LDK dëshiron ta bëjë rikthimin e madh për Republikën e Kosovës, ku për këtë Lumir Abdixhiku si kryeministër është garantues.

“Kultura e LDK duhet të shkoj në cdo familje në cdo vend, kemi me bind cdokënd që jemi tu dasht me bo rikthimin e madh jo për LDK vetëm por për Republikën e Kosovës, dhe Lumir Abdixhiku si kryeministër është garantues, ai sot e ka programin e punuar në detaje” u shpreh Haziri për GazetaBlic.