Trajneri i Arsenal Mikel Arteta ka mbajtur konferencë për media para derbit me Man Cityn.

Arteta tha se skuadra e tij po përgatitet për një kohë të gjatë për këtë duel, transmeton GazetaBlic Sport.

“Kur filluan stërvitjet tona verore ne filluam të përgatiteshim për këtë ndeshje. Ne jemi të vetëdijshëm për orarin, por e dimë gjithashtu se është shumë e rrallë të luash në kushte të tilla – me tre ndeshje të vështira jashtë vendit brenda 6-7 ditëve”, ka thënë Arteta.

“Por kjo është situata, sido që të ndodhë. Unë mendoj se ne jemi gati për këtë përplasje – si fizikisht, mendërisht dhe taktikisht. Ne u siguruam që të gjithë të jenë gati për ndeshjen, siç kemi nevojë për çdo lojtar. Sidomos pas lëndimeve me të cilat lojtarët tanë u rikthyen pas ndeshjeve të kombëtareve”, ka deklaruar trajneri spanjoll i Arsenalit.

“Ne po shkojmë në shtëpinë e kampionëve. Manchester City është një ekip shumë i qëndrueshëm, plot cilësi. Nuk do të jetë e lehtë. Kjo lojë është një sfidë, kështu që e vetmja gjë që do të shikohet është se si do të paraqitemi në fushë”, shtoi Arteta.

/GazetaBlic Sport/