Një plagosje me armë zjarri ka ndodhur mëngjesin e sotëm në Bresje të Fushë Kosovës, raporton Gazeta Blic.

Flora Ahmeti, zëdhënëse e Policisë për rajonin e Prishtinës, thotë për Gazeta Blic se viktima është femër dhe ka marrë tretman mjekësor.

Ajo thekson se lidhur me rastin është arrestuar një person i dyshuar.

“Sot rreth orës 07:30 policia ka marrë informatën për një plagosje me armë zjarri të ndodhur në Bresje- Fushë Kosovë. Personi i plagosur (femër) është dërguar për tretman mjekësor. Lidhur me këtë rast policia ka arrestuar një person të dyshuar, ndërkohë që hetuesit policor në koordinim me prokurorinë, po ndërmarrin  veprimet hetimore për ndriçimin e plotë të rastit”, deklaron Ahmeti./Gazeta Blic/