Skuadra e Llapit sot luan ndeshjen e kthimit me Brondby në raundin e dytë të kualifikimeve për Conference League.

Llapi ka humbur takimin e parë me rezultatin 6-0, teksa sot nga ora 17:00 zhvillohet ndeshja e kthimit, përcjell GazetaBlic Sport.

Batatina thotë para këtij dueli se skuadra e tij nuk dorëzohet asnjëherë – teksa sot do luajnë me nder.

Ja postimi i tij:

“Kam përjetuar shumë rënie, por asnjëherë nuk jam dorëzuar dhe gjithmonë jam ngjitur si lider. Tek ne dhe skuadra jonë nuk ekziston asnjëherë dorëzimi. Pavarësisht kundërshtarit, luftën do ta bëjmë me nder dhe krenari për qytetarët e Kosovës, qytetarët e Llapit dhe për “Legjendat”. Sot dua mbështetje që të dëshmojmë se jemi qyteti i futbollit dhe i shumë Legjendave që sot nuk janë mes nesh.
Me krenari dhe nder do t’i respektojmë gjithmonë.
Forca Llapi”, ka shkruar Batatina.

/GazetaBlic Sport