Tensionet në kampin e Anglisë duket se po rriten për shkak të paraqitjes së dobët të ekipit në grup në Euro 2024. Edhe pse Tre Luanët fituan Grupin C, ata janë kritikuar vazhdimisht nga mediat.

Trajneri i Kombëtares, Gareth Southgate pranon kritikat për paraqitjen e lojtarëve të tij, pasi ka marrë masa për të rritur motivimin e tyre për të fituar, transmeton GazetaBlic Sport.

“Unë e kuptoj kritikën tuaj 100 për qind. Kjo është puna ime. Unë u përpoqa t’i motivoja lojtarët duke u treguar atyre foto të italianëve që festonin dhe më pas hungarezëve që janë të tretët dhe nuk e dinë nëse do të vazhdojnë. Lojtarët e morën mesazhin tim” , tha ai, duke theksuar se mbetet optimist.

“Nuk pendohem për asgjë. Ne kemi nevojë që të gjithë të na mbajnë prapa. Unë marr përgjegjësinë. Më duhet t’i ndihmoj lojtarët sa më shumë që të jetë e mundur. Ne u kthyem atyre gëzimin e lojës për Anglinë, që është një fillim i mirë”, shtoi ai.

/GazetaBlic Sport.