Mesfushori anglez Declan Rice ka pranuar se lojtarët janë nën presion të madh pas një fillimi jo bindës në Euro 2024. Edhe pse skuadra e Gareth Southgate kryeson Grupin C me katër pikë dhe është pothuajse në fazën eliminatore përpara ndeshjes së së martës kundër Sllovenisë, lojtarët janë përballur me shumë kritika pas barazimit 1:1 me Danimarkën.

“Ne të gjithë duam kaq shumë ta bëjmë vendin tonë krenar. Ne të gjithë duam shumë të fitojmë, të jemi liderë, të dalim atje dhe t’u japim njerëzve kujtime të jetës dhe ndonjëherë ndoshta ne i bëjmë shumë presion vetes. Dhe ne mundemi vetëm të dalim dhe të kënaqemi”, tha Rice, transmeton GazetaBlic Sport.

“Unë mendoj se ka më shumë presion nga jashtë tani vetëm për shkak të sezoneve të forta që kanë pasur disa nga lojtarët tanë. Nëse shikoni golat që Foden, Bellingham, Harry Kane dhe Bukayo Saka që kanë shënuar këtë vit, ata janë mbi 100. Sigurisht. “Ka pritshmëri sepse ata janë lojtarët më të mirë në botë. Dhe do të ketë një presion të madh. Kjo është puna jonë dhe unë duhet të merrem me të.”

/GazetaBlic Sport.