Trajneri i Skocisë, Steve Clarke tha se ai i respekton të gjithë dhe nuk i frikësohet askujt përpara ndeshjes hapëse të Kampionatit Evropian kundër Gjermanisë nikoqire.

Skocia përballet me Gjermaninë në Allianz Arena të premten në ndeshjen hapëse të kampionatit kontinental.

“Është ndeshja e parë për ne në grupin me katër skuadra. Ne kemi tre ndeshje, ne e dimë se çfarë duhet të bëjmë për t’u kualifikuar dhe kjo është gjithçka në të cilën jemi duke u fokusuar,” tha Clarke në fillim të konferencës së tij për shtyp.

“Të gjithë lojtarët janë plotësisht në formë, të motivuar dhe duan të përzgjidhen në skuadër. Kam pasur fatin të marr pjesë në ndeshje të mëdha, në finalen e Ligës së Kampionëve për shembull, ka qenë mirë që kam marrë pjesë në kampionatin e kaluar evropian. Mund ta shijoj, por do ta shijoj edhe më shumë pasi të kemi katër pikë”, shtoi ai.

“Unë mendoj se ne të gjithë duhet të jemi krenarë që jemi këtu.”, tha menaxheri.

/GazetaBlic Sport/