Besa Gaxherri nga LDK thotë se çështja e sanksioneve është krejt për fajin e kryeministrit Kurti.
Gaxherri në një prononcim për GazetaBlic thekson se, kryeministri për shkak të arrogancës së tij dhe sjelljeve për qëllime elektorale, e futi Kosovën nën sanksione.
“Kosova, qytetarët e saj nuk i kanë merituar asnjëherë sanksionet, çështja e sanksioneve është për sjelljen e kryeministrit Kurti i cili për shkak të arrogancës së tij dhe sjelljeve për qëllime elektorale e futi Kosovën nën sanksione, të cilat kanë pasoja ekonomike, por më shumë politike”, tha Gaxherri.
Madje sipas Gaxherrit, kryeministri Kurti e rehabilitoi Serbinë.
“Kryeministri i Kosovës arriti që t’i ndërroj pozicionin vendit, nga viktima e Serbisë, në agresorë të minoritetit serb, ndërsa Serbinë e rehabilitoi përkundër sjelljeve agresive e terroriste të saj”, tha Gaxherri.
Sipas Gaxherrit, kjo është edhe politika e Kurtit.
“Kjo është politika e Kurtit, ose nga mos dija ose në shërbim të dreqit”, tha Gaxherri për GazetaBlic.
Raporti për masat ndaj Kosovës shtyhet për javën e ardhshme?
