Arda Guler, golashënuesi i dy golave në udhëtimin e Real Madridit te Villarreal, foli për Realmadrid TV pas ndeshjes dhe ndau kënaqësinë e tij për formën fantastike.

“Kemi pasur një pjesë të parë të mirë. Ne ishim përpara 4-1, por edhe kundërshtarët tanë luajtën mirë. Real Madridi padyshim që luan gjithmonë për të fituar dhe sot ishte një barazim, por unë ende mendoj se ne luajtëm mirë.

“Jam përshtatur plotësisht me ekipin. Të gjithë këtu po më ndihmojnë, përfshirë trajnerin dhe shokët e mi të skuadrës. Dua të vazhdoj të shënoj gola të tillë për të lumturuar shokët e skuadrës dhe njerëzit që besojnë tek unë”.

Një gol në ligë çdo 62 minuta: “Nuk e kisha menduar kurrë se do të kisha shifra të tilla. Unë fokusohem vetëm në futboll dhe duke punuar shumë. Jam shumë i lumtur dhe krenar që i kam këto shifra”.

Ndihma e Ancelottit: “Edhe kur nuk luaja, ai gjithmonë komunikonte me mua. Më tha të bëja durim dhe të vazhdoja të punoja, se do të vinte koha. Këto fjalë më ndihmuan vërtet. Jam i dashuruar me topin, falë Zotit po i shënoj këta gola”, përfundoi ai.

/GazetaBlic Sport