Como është kthyer në Serie A pas 21 vitesh. Sipas mediave në Itali, “larianët” kanë vënë në shënjestër sulmuesin e Galatasaray, Mauro Icardi, si dhe lojtarin e Interit, Joaquin Correa.

Skuadra e Cesc Fabregas ka siguruar zyrtarisht një vend në ligën e parë pasi siguroi vendin e dytë në Serie B këtë sezon, duke u rikthyer në ligë për herë të parë në 21 vjet. Como pritet të forcohet seriozisht në verë dhe synimi për skuadrën do të jetë mbetja në elitë, përcjell GazetaBlic Sport.

Como mbështetet nga miliarderët indonezianë Michael dhe Robert Hartono, të cilët zotërojnë gjigantët e duhanit Djarum, duke i bërë ata një nga pronarët më të pasur të klubeve në futbollin italian. Figura të ndryshme futbolli janë përfshirë me klubin, duke përfshirë Thierry Henry.

Como do të kërkojë gjithashtu të forcohet me sulmuesin e Interit, Correa, i cili pritet të kthehet nga Olympique Marseille në javët e ardhshme, me klubin francez që nuk do t’i blejë të drejtat e tij.

Të dy lojtarët do të ishin përforcime të rëndësishme për skuadrën e Fabregas, lojtari më i vlefshëm i të cilit për momentin është i huazuari i Lecces, Gabriel Strefezza, me vlerë 6 milionë euro. /GazetaBlic Sport