Trajneri i Romës, Daniele De Rossi, beson në shanset e skuadrës së tij për të sfiduar dhe eliminuar Bayer Leverkusen në gjysmëfinalet e Europa League. Edhe pse rivali fitoi kampionatin gjerman, shkoi në një seri rekord prej 46 ndeshjesh pa humbje dhe triumfoi ndaj Bayern Munichut 3-0.

“Duhet t’i bëjmë presion lart”, tha De Rossi. “Kanë lojtarë shumë të mirë që pasojnë mirë, kanë edhe sulmues të rrezikshëm. Por nëse ua mban topin larg, nervozohen, humbasin ekuilibrin dhe formën”, beson italiani.

“Duhet të luajmë në mënyrë perfekte në të dyja fazat, sepse nëse nuk kanë humbur dhe barazojnë gjithmonë në sekondat e fundit, atëherë kanë diçka të veçantë. Ata janë të pamposhtur por jo të pathyeshëm”, beson De Rossi.

Roma do të kërkojë të arrijë në një finale të tretë radhazi pasi fitoi Ligën e Konferencës në 2022 dhe humbi finalen e Europa League nga Sevilla me penallti një vit më parë.

“Kam frikë prej tyre, por Roma beson në forcën e tyre”, përfundoi Daniele De Rossi.