Organizata me bazë në Bosnje, “Nënat e Srebrenicës”, e ka falënderuar presidenten e Kosovës, Vjosa Osmani, për fjalimin e mbajtur në Këshillin e Sigurimit të Kombeve të Bashkuara.
Osmani ka folur për vuajtjet e shqiptarëve në Kosovë dhe njerëzve në Bosnjë, viktimat e dhunës seksuale për të cilat ajo kërkoi kërkim falje nga presidenti serb, Aleksandër Vuçiq.
“I jemi mirënjohëse presidentes Osmani, fjalimi i saj për viktimat e gjenocidit në Srebrenicë, viktimat shqiptarë të gjenocidit, janë dëgjuar nga e gjithë bota. Fjalime të tilla do të kujtohen për gjenerata. Faleminderit”, ka shkruar kjo organizatë në platformën X.
Në maj pritet që të votohet rezoluta për gjenocidin në Srebrenicë.
Zahvalne smo predjsednici Osmani, njen govor o žrtvama genocida u Srebrenici, žrtvama genocida nad Albancima čuo je čitav svijet. Ovakav govor pamtiće generacije. Hvala Vam! https://t.co/7ecmEWlkuG
— Majke Srebrenice (@MSrebrenice) April 23, 2024
