Ministri i Punëve të Brendshme të Kosovës, Xhelal Sevçla, ka shprehur mirënjohjen për institucionet e sigurisë për rolin e tyre në garantimin e një procesi zgjedhor të qetë dhe të sigurt në katër komunat veriore të vendit.

Ai gjithashtu ka theksuar rëndësinë e mundësisë së ofruar qytetarëve të katër komunave për të zgjedhur kryetarët e tyre, ndërkohë që ka përmendur edhe bojkotin dhe sabotimin e procesit nga Lista Serbe, të udhëzuar nga Beogradi.

“Ky subjekt i mishëruar me metoda jodemokratike nuk e gjen asesi veten te një proces kaq demokratik”, ka shkruar mes tjerash Sveçla në Facebook.

Ministri Sevçla ka theksuar se institucionet do të vazhdojnë të punojnë për të garantuar të drejtën e qytetarëve për të zgjedhur për të ardhmen e tyre.

Në fund, Ministri i Brendshëm u angazhua për vazhdimin e përpjekjeve të institucioneve për të qenë në shërbim të të gjithë qytetarëve të Kosovës, duke përsëritur se Republika e Kosovës është një vend demokratik që respekton të drejtat e të gjithë qytetarëve, pa dallim.