Ruben Amorim, trajneri i Sportingut, ka hedhur poshtë prerazi thashethemet që e lidhin atë me një kalim te Liverpool.

Në një deklaratë të fortë, Amorim tha: “Unë NUK kam takuar drejtuesit e Liverpool dhe nuk ka marrëveshje, nuk është e vërtetë”. Ai përsëriti angazhimin e tij ndaj Sportingut, duke pohuar: “Unë jam menaxher i Sportingut, dua të fitoj këtu dhe nuk kam takuar asnjë klub. Asgjë nuk është rënë dakord”, përcjell GazetaBlic Sport.

Amorim u shpreh i zhgënjyer me spekulimet e vazhdueshme, duke kërkuar që t’i jepet fund thashethemeve: “Ndaloni me këtë histori. Kjo është hera e fundit që flas për të ardhmen time.”

Mohimi i menaxherit të Sporting vjen mes raporteve që sugjerojnë se Liverpool tashmë ka një marrëveshje verbale me Amorimin.

/GazetaBlic Sport/