Barcelona siguroi një fitore jashtëzakonisht të rëndësishme 3-2 ndaj PSG-së në ndeshjen e parë çerekfinale të UEFA Champions League në Parc des Princes mbrëmë.

Ishte një paraqitje e shkëlqyer nga djemtë e Xavi Hernandez. Duke folur për mediat pas ndeshjes, Pedri pohoi se Barcelona është një nga skuadrat më të mira në botë dhe kështu duhet të luajë çdo ndeshje.

“Ka kaluar një kohë e gjatë që kur kemi luajtur në çerekfinale të Ligës së Kampionëve. Ne jemi një nga skuadrat më të mira në botë dhe gjithmonë duhet të dalim kështu në fushë”, tha ai.

Megjithatë, Pedri pranoi se kualifikimi ende nuk ka përfunduar dhe se PSG do të luftojë fort për t’u rikthyer në ndeshjen e kthimit javën e ardhshme.

“Është PSG dhe është një çerekfinale e Ligës së Kampionëve. Kanë mbetur edhe 90 minuta dhe ne do të duhet të dalim në fushë dhe të luajmë edhe më mirë”, tha ai.

/GazetaBlic Sport