Katie Price thuhet se po planifikon të shesë rezidencën e saj në mënyrë që të blejë ‘shtëpinë e ëndrrave’ në Yorkshire.

Ish modelja magjepsëse, 45 vjeçe, aktualisht jeton pranë Horsham, West Sussex, por thuhet se dëshiron të lëvizë në veri pasi u shpall e falimentuar për herë të dytë.

Ajo me sa duket ka vendosur për një rezidencë 2.5 milionë eurosh në Wakefield, West Yorkshire.

Prona thuhet se përmban gjashtë dhoma gjumi, katër banja, një pishinë të brendshme, një dhomë kinemaje, një garazh të gjerë, me shtëpinë me pamje nga një fushë e harlisur golfi.

Një burim i tha The Sun: “Katie është e sëmurë nga Mansioni Mucky dhe nuk sheh të ardhme atje tani”.

“Ajo dëshiron të zhvendoset në shtëpinë e saj të ëndrrave dhe mendon se kjo mund të jetë”.

“Si do të funksiononte kjo duke pasur parasysh problemet e saj financiare është një mister, por ajo e ka në kokën e saj se kjo po ndodh”.

Katie dikur kishte një vlerë prej 45 milionë eurosh, por u shpall e falimentuar në vitin 2019 dhe më pas për herë të dytë muajin e kaluar pasi dyshohet se i detyrohej 762 mijë euro në taksë të papaguar.

Ajo nuk u paraqit në një seancë gjyqësore në Londër për të shpjeguar pse nuk i ka paguar asnjë para HMRC.

Një gjyqtar në Gjykatën e Lartë vendosi që ajo të shpallej e falimentuar pasi një zyrtar nga HMRC tha se ajo nuk kishte paguar asnjë para që i detyrohej ose nuk iu përgjigj asnjë korrespondence që nga kërkesa për taksën e papaguar vitin e kaluar. /Telegrafi/