Vedat Muriqi ka folur për herë të parë pas humbjes së mbrëmshme në Copa del Rey nga Athletic Bilbao.
Mallorca u mposht pas penalltive në një ndeshje që zgjati 120 minuta pasi loja e rregullt dhe vazhdimet përfunduan baras, 1:1.
Sulmuesi kosovar e donte aq shumë këtë trofe, të cilin Mallorca po e pret qe një kohë shumë të gjatë.
No se como describir lo que siento sobre lo vivido anoche. Luchamos hasta el final como un equipo, queríamos hacer nuestros sueños realidad. Hicimos todo lo posible para traer la copa a la isla y darle esa alegría a la afición, que tanto se lo merecía. pic.twitter.com/07GPjLpNuj
— Vedat Muriqi (@MuriqiVedat) April 7, 2024
Por, ani pse shkoi deri në finale, ekipi ishullor nuk ia doli ta bënte të vetin trofeun.
Muriqi u angazhua në krejt lojën dhe e shënoi golin nga penalltia, por që ishte e pamjaftueshme për ekipin.
Sonte, 29 vjeçari e ka bërë një postim në rrjetet sociale, përmes së cilit e ka shprehur mërzinë e tij pas humbjes në finale ndaj Bilbaos.
“Nuk di ta përshkruaj atë që e ndiej për atë që e përjetova mbrëmë. Luftuam deri në fund si ekip, dëshironim t’i bënim ëndrrat tona realitet. Ne bëmë gjithçka të mundshme për ta sjellë kupën në ishull dhe për t’ju dhënë atë gëzim tifozëve tanë, të cilin aq shumë e merituan”, deklaroi futbollisti prizrenas.
