Derbi Manchester City – Arsenal (0:0) ishte i fundit mes skuadrave pjesëmarrëse në betejën për titullin e Premierligës. Ekipi që iu gëzua këtij rezultati ishte Liverpooli, pasi pas fitores ndaj Brighton (2:1), Merseysiders përfunduan në krye të renditjes, me dy pikë më shumë se “Topçinjtë” dhe tre më shumë se kampionët City.
Ç’pritet më tej? Deri në fund të kampionatit, të tre skuadrat duhet të luajnë nga nëntë ndeshje secila. Nëse Liverpooli i fiton të gjitha, padyshim që do të fitojë titullin. Me të njëjtin numër pikësh konsiderohet edhe golavarazhi, ku avantazhin për momentin e ka Arsenali.
Arsenali ka një avantazh të lehtë, sepse do të luajë më shumë ndeshje në shtëpi sesa si mysafir, pesë me katër. E kundërta është rasti me konkurrentët, katër ndeshje në shtëpi dhe pesë si mysafir, pasi Liverpool dhe City kanë tre vizita radhazi.
Tri skuadrat që janë kandidate për titull vazhdojnë të luajnë në Evropë, por prej tyre vetëm City vazhdon në FA Cup.
Kush do të takohet me kë do të luajë deri në fund të kampionatit:
Orari i Arsenalit: Luton, Brighton Aston Villa, Wolverhampton, Chelsea, Tottenham, Bournemouth, Manchester United, Everton
Liverpool: Sheffield United, Manchester United, Crystal Palace, Fulham , Everton, West Ham, Tottenham, Aston Villa Wolverhampton
Manchester City: Aston Villa, Crystal Palace, Luton, Tottenham, Brighton, Nottingham Forest, Wolverhampton, Fulham, West Ham.
/GazetaBlic Sport
