Një gjykatë braziliane ka urdhëruar që pasuritë e ish-futbollistit Cafu (53) duhet të dalin në ankand për të shlyer një borxh. Përkatësisht, ish-kapiteni i Brazilit do të nxjerrë në ankand vilën e tij luksoze, e cila kap vlerën e rreth 7.5 milionë eurove. Nëse nuk shitet gjatë ankandit të 4 prillit, çmimi i vilës do të jetë dyfish më i ulët.
Vila ka shtatë kate dhe e gjithë prona ka një sipërfaqe prej 2500 metrash katrorë. Ka gjashtë suita luksoze, një fushë futbolli, një kinema, një sauna, një dhomë trofesh dhe shumë të tjera të përfshira. Cafu i ka borxh shtetit rreth dy milionë euro dhe problemet vazhdojnë prej pesë vitesh. Cafu po lufton një betejë ligjore pasi agjencia e tij e menaxhimit Penta International Player falimentoi.
Gjithçka ndodhi pas vdekjes tragjike të djalit të tij dhe divorcit nga gruaja. Në karrierën e tij, Cafu ka luajtur për Sao Paulo, Real Zaragoza, Juventude, Palmeiras, Roma dhe Milan. Ai luajti për Brazilin 142 herë dhe shënoi pesë gola dhe ishte dy herë kampion bote.
/GazetaBlic Sport
