Pothuajse tre vjet pas pensionimit, Toni Kroos vendosi të rikthehet në kombëtaren gjermane dhe do t’i bashkohet ‘Die Mannschaft’ në Kampionatin Evropian që do të luhet pikërisht në Gjermani.

Këtë të martë mesfushori i Real Madrid ka folur për vendimin, në një konferencë për shtyp në kuadër të fazës përgatitore për miqësoret me Francën dhe Holandën.

“Jam mjaftuar duke folur dhe shkruar për këtë temë, tani dua të luaj dhe të shkoj në punë. Për këtë u ktheva, për të luajtur, ishte vetëm dhe ekskluzivisht për futbollin. Jam shumë i lumtur këtu”, ka thënë mesfushori qendror.

“Mendoj se nuk duhet t’i dëshmoj askujt asgjë, kur trajneri më afroi për të luajtur në Kampionatin Evropian, shqetësimi im i vetëm ishte nëse isha në gjendje të ndihmoja apo jo”, ka shtuar Kroos, i cili është në fund të kontratës me Real Madridin dhe ka trajtuar edhe këtë temë.

Gjermania është në Grupin A të Kampionatit Evropian dhe do të përballet me Zvicrën, Skocinë dhe Hungarinë.

/GazetaBlic Sport