Lëndimi muskulor i Lionel Messit do të vlerësohet “javë pas jave”, tha trajneri i Inter Miami, Gerardo Martino, pasi ylli argjentinas u përjashtua nga fitorja ndaj DC United.

Ishte ndeshja e dytë radhazi në MLS që Messi mungoi. Ai nuk luajti në humbjen 2-3 në Montreal dhe u zëvendësua në fillim të pjesës së dytë të fitores 3-1 ndaj Nashville.

“Dëmtimi i Messit duhet të punohet javë pas jave dhe ne do ta vlerësojmë. Ai ka një dëmtim muskulor. Çështja e përzgjedhjes është për njerëzit e kombëtares që duhet të flasin për këtë”, tha Tata Martino.

Argjentina ka dy miqësore ndaj El Salvadorit në Filadelfia më 22 mars dhe kundër Kosta Rikës në Los Anxhelos katër ditë më vonë. Messi mund të mungojë në këto dy duele.

/GazetaBlic Sport/