Mbrojtësi i Arsenalit, Benjamin White ka rinovuar zyrtarisht kontratën me klubin deri në qershor të vitit 2028.

Marrëveshja aktuale skadonte në vitin 2026, por anglezi e ka zgjatur qëndrimin në Emirates edhe për dy vite të tjera.

Që kur iu bashkua Arsenalit nga Brighton në korrik të vitit 2021, Ben White e ka vendosur veten si një anëtar kyç të skuadrës, duke bërë 122 paraqitje për ‘Gunners’ në të gjitha garat.

Mikel Arteta u shpreh i lumtur që White do jetë pjesë e ‘Topçinjëve’ edhe për një kohë të gjatë.

“Është një lajm i shkëlqyeshëm që Ben po e përkushton të ardhmen e tij në klub. Ai është një lojtar kyç për ne, një profesionist i madh me mentalitet fitues dhe një nga djemtë që udhëheqin me shembull çdo ditë. Aftësia, vendosmëria dhe qëndrimi pozitiv i White janë kaq të rëndësishme, por ai është gjithashtu një djalë i shkëlqyer. Të gjithë presim me padurim të vazhdojmë të punojmë me Benin në vitet në vijim”.

/GazetaBlic Sport