Policia e Kosovës në pikëkalimin kufitar në Vërmicë, gjatë kontrollimit të një furgoni mbrëmë që drejtohej nga një shtetas i Shqipërisë, ka vërejtur se një zyrtar kompetent, i dyshuar, e ka lënë të vazhdojë në drejtim të Kosovës përkundër se kishte të ngarkuar një sasi të fidanëve të pemëve dhe luleve pa i përfillur rregullat.

Në konsultim me prokurorin, furgoni dhe fidanët janë sekuestruar, ndërsa ndaj zyrtarit të dyshuar është iniciuar rasti dhe janë njoftuar hetimet kompetente.