Kryeministri i vendit, Albin Kurti dhe ministri i Mbrojtjes, Ejup Maqedonci, janë takuar sot me komandantin e KFOR-it, gjeneralmajor Ozkan Ulutash.

Gjatë takimit, Ulutash theksoi se koordinimi dhe bashkëpunimi i vazhdueshëm në mes KFOR-it dhe institucioneve të Kosovës dhe organizatave të sigurisë në vend janë kyçe për sigurinë e qëndrueshme dhe për të mirën e të gjitha komuniteteve që jetojnë në Kosovë.

“Rikonfirmova përkushtimin e palëkundur të KFOR-it për të luajtur rolin e tij në këtë drejtim. Përsërita mbështetjen e KFOR-it për dialogun e lehtësuar nga BE-ja ndërmjet Beogradit dhe Prishtinës”, thuhet në njoftimin e KFOR-it.