Deputetja e Partisë Demokratike të Kosovës (PDK), Eliza Hoxha ka kritikuar qeverinë e Kosovës me rastin e Ditës së Mësuesit duke thënë se arsimi e jo armatimi duhet të jetë projekt kryesor i kësaj qeverie dhe shtetit të Kosovës.

Sipas Hoxhës, për këtë duhet të ketë konsensus mbipartiak nëse ka aspirata që Kosova të ketë ushtarë të së ardhmes e ushtarë të paqes që siç shprehet ajo mësuesi është fanari i përhershëm.

“Vëmendja jonë për arsimin sot, në këtë ditë të veçantë, duhet të jetë mobilizim kombëtar, institucional dhe qytetarë për të rikthyer dinjitetin e nëpërkëmbur të mësimdhënësve, për të ringjallur shpresën, dëshirën dhe nevojën për mësim gjatë gjithë jetës në dinamikën e shpejt të zhvillimeve teknilogjike dhe intelegjencës artificiale ku rolet e përgjegjësitë tona profesionale ndërrojnë më shpejt se që mendojmë dhe ku adaptimi i vazhdueshëm është domosdoshmëri. Arsimi, jo Armatimi duhet të jetë projekti kryesor shtetëror për të cilin duhet të ketë koncensus mbi partiak nëse dëshirojmë që Kosova të ketë ushtarë të së ardhmes, ushtarë të paqes e mësuesi është fanari i përhershëm”, ka deklaruar Hoxha.

Deputetja e PDK-së në seancën e së enjtes në Kuvendin e Kosovës ka thënë se roli i mësimdhënësve është jetik për të ardhmen e shoqërisë teksa ka shprehur shqetësimet se punëtorët në sektorin e arsimit, në të gjitha nivelet ballafaqohen me sfida të shumta, por përkundër kësaj ata vazhdojnë të frymëzojnë dhe të fuqizojnë nxënësit dhe studentët e tyre.

“Sot kur po shënojmë Ditën e Mësuesit, të vetëdijshëm për rolin e tyre jetik në mbijetesën sonë kombëtare në të kaluarën, le t’i përkujtojmë vetes edhe rolin e tyre jetik për të ardhmen e shoqërisë sonë. Unë i takojë gjeneratës që për 10 vite është shkolluar nëpë shtëpitë – shkolla. Shpesh e përfytyrojë se cfarë do të mund të isha unë , ku do të isha unë apo gjenerata ime nëse solidariteti e stoicizmi i mësimdhënësve të viteve 90-ta nuk do të ekzistonte. Sot kur e mendoj duket gjithcka sureale. Por pa ta ne do të ishim gjenerata e humbur e Kosovës dhe jo vetëm. Punëtorët në sektorin e arsimit, në të gjitha nivelet ballafaqohen me sfida të shumta, por përkundër kësaj ata vazhdojnë të frymëzojnë dhe të fuqizojnë nxënësit dhe studentët e tyre”, ka vijuar ajo.

Hoxha ka kritikuar qeverinë për mungesë të ofrimit të kushteve më të mira të punës për mëdimdhënësit.

“Duke neglizhuar kushtet e tyre të punës, qeveria thellësisht po zvogëlon vlerën e punës së palodhur dhe përkushtimit të tyre. Ju shprehi revoltën dhe zhgënjimin tim për mos trajtimin e arsimit si një prioritet. Dua te ju përkujtoj se në mesin e premtimeve të shumta kishit thënë – po citoj “ Qeveria Kurti do të jetë qeveri e arsimit për arsimin” , e megjithatë në se e shikojmë në retrospektivë ju e injoruat atë, e anashkaluat dhe madje bullizuat përfaqësuesit e tyre. Mbase edhe keni pandehur se mund të zëvendësoni të gjithë mësimdhënësit dhe nuk ka nevojë Kosova më për ta, prej kur ju jeni në krye të këtij pushteti të madh. Në asnjë vit të qeverisjes suaj mësimi në shkollat e Kosovës nuk ka nisur me gëzim e normalitet”, ka theksuar ajo.

Sipas saj, greva e sindikalistëve mësimdhënës dhe injorimi i kërkesave të tyre dhe mungesa e dialogut vazhdon e mbetet shqetësim.

“Mospërmbushja e obligimit ligjor të ministres Nagavci për sigurimin e teksteve shkollore falas, Mungesa e digjitalizimit ne shkolla ku nga 600.000 euro të vitit tkaluar ishin investuar 0 eruo në kë të drejtim pa cka që ë shtë premtim i juaji elektoral, nga 160 qerdhe të premtuara kë ni realizuar afersisht 10% të tyre, rezultati në PISA është më keq se që ishte në 2018, etj, etj, etj… E si për ironi sot në liri vetëm në dy muuajt e fundit Kosovën e kanë lëshuar 600 mësimdhënës. Është e dhimbshme të shohësh sot sesi shkollat përballen me resurse të mangëta, programe të vjetra, punëtorë të arsimit të kërcënuar dhe të nënvlerësuar, me dhunë, pasiguri, pa qasje, pa integrime, pa motivime dhe pa rezultate të kënaqshme”, ka vijuar Hoxha.