43 persona kanë mbetur të vdekur pasi një zjarr shpërtheu në një ndërtesë shumëkatëshe në Bangladesh.

Sipas mediave lokale, zjarri filloi në një restorant rreth orës 22:00 me orën lokale të enjten në kryeqytetin, Dhaka, shkruan BBC.

75 persona u shpëtuan dhe dhjetëra u dërguan në spital. Zjarri është lokalizuar pas dy orëve, sipas zyrtarëve të zjarrfikësve dhe po hetohet për shkakun.

Ministrja e Shëndetësisë e Bangladeshit, Samanta Lal Sen, tha se të paktën 33 persona, përfshirë gra dhe fëmijë, ishin deklaruar të vdekur në Spitalin e Kolegjit Mjekësor të Dhakës.

Ndërsa 10 të tjerë vdiqën në spitalin e qytetit. 22 janë në gjendje kritike, shtoi Sen.

Kompleksi në të cilin ndodhet ndërtesa përmban edhe restorante të tjera, si dhe disa dyqane veshjesh dhe celularësh.