Sot varroset 26-vjeçari Shkumbin Hebibaj që vdiq pas goditjes nga një veturë në rrugën “Agim Ramadani” në Prishtinë, më 26 shkurt.
Varrimi i të ndjerit bëhet në varrezat e fshatit Ballaboq të Deçanit, kanë njoftuar familja.
Policia e Kosovës gjatë së hënës ka ndaluar dhe ka dërguar në mbajtje ngasësen që goditi për vdekje të riun në Prishtinë.
Në një konfirmim për gazetën online Reporteri.net, zëdhënësja e Prokurorisë Themelore në Prishtinë, Laureta Ulaj, ka thënë se e dyshuara është dërguar në mbajtje në kohëzgjatje prej 48 orësh për veprën penale “Rrezikim i trafikut publik” (me fatalitet).
Aksidenti ka ndodhur të hënën gjatë ditës në rrugën “Agim Ramadani”, afër Ministrisë së Arsimit në Prishtinë.