Pretendimi i presidentit amerikan, Joe Biden se mund të ketë një armëpushim të afërt midis Izraelit dhe Hamasit ishte “mendim i dëshiruar”, ka thënë një zyrtar i Hamasit për Sky News.

Bideni, dje tha se shpresonte që një armëpushim mund të sigurohet deri në fund të kësaj fundjave.

Por Dr Basem Naim tha për The World with Yalda Hakim se ky është “mendim i dëshiruar”.

Ai tha se komentet janë bërë ndoshta “për shkak të çështjeve të brendshme politike në Shtetet e Bashkuara për të çliruar një pjesë të tensionit rreth partive demokratike në vitin e zgjedhjeve”.

“Por praktikisht kjo deklaratë nuk ka të bëjë me realitetin. Deri më tani nuk kemi marrë asnjë propozim formal”, shtoi zyrtari i Hamasit.

“Dhe mendoj se ka ende boshllëqe midis asaj që ne po bëjmë thirrje, asaj që kërkojmë dhe asaj që propozohet nga partitë e tjera”.

Ai tutje tha se grupi shpresonte të arrinte një marrëveshje deri në Ramazan, e cila pritet të fillojë në mbrëmjen e 10 marsit.

Pas deklaratës së Bidenit, kryeministri izraelit Benjamin Netanyahu, tha se Izraeli do të vazhdojë fushatën deri në fitoren absolute