Sulmuesi i Fiorentinës, Christian Kouame është dërguar në spital pasi u infektua me malarie teksa luante në Kupën e Kombeve të Afrikës.

Lojtari i Bregut të Fildishtë fitoi turneun dhe qëndroi atje për disa ditë për t’u bashkuar me festimet.

Kur u kthye në Firence, një deklaratë nga klubi vë në dukje se Kouame nuk u ndje mirë dhe kishte temperaturë të lartë mbrëmë.

Ai iu nënshtrua testeve mëngjesin e sotëm që rezultuan pozitivë për praninë e malaries. Lojtari është dërguar në spital për trajtim dhe gjendja e tij do të vlerësohet në ditët në vijim.

Kouame bëhet lojtari i tretë që rezulton pozitiv për malarien pas Moussa Diarra nga Toulouse, i cili u sëmur gjatë turneut.

Ndërkohë, mesfushori i Tottenham Hotspur, Yves Bissouma, u lejua të luante për Malin pavarësisht nga malaria, siç u konfirmua nga trajneri i Malit, Eric Chelle pas humbjes nga Bregu i Fildishtë i Kouame.

Malaria nuk është ngjitëse, por përhapet përmes pickimit të mushkonjave.

/GazetaBlic Sport
​